"உன்னை மிகவும் அதிகமாய்ப் பலுக்கப் பண்ணி, உன்னிலே ஜாதிகளை உண்டாக்குவேன்; உன்னிடத்திலிருந்து ராஜாக்கள் தோன்றுவார்கள்"
இயேசு கிறிஸ்துவின் நாமத்தில் வாழ்த்துக்கள்!
இந்த வசனத்தில் ஆபிரகாமுக்கு சொன்னவர் 17:16ல், சாராளுக்கும் இதே வாக்குத்தத்தத்தைக் கொடுக்கின்றார். பின்பு இவர்களின் பேரனாகிய யாக்கோபுக்கும் இதே வாக்குத்தத்தத்தைக் கொடுக்கின்றார். (ஆதி. 35:11)
பொதுவாகவே ஆண்டவர் தமது வாக்குத்தத்தத்தை தமக்கு கீழ்படிகின்றவர்களுக்கே கொடுக்கின்றார். (ஆதி.12:1) மேலும் 17:1ல், எனக்கு முன்பாக நடந்து கொண்டு உத்தமனாய் இரு எனக் கூறுகின்றார். ஆண்டவருக்குமுன் நீங்கள் உத்தமனாய் இருக்க பிரயாசப்படுங்கள். சக மனிதர்களிடம் பிரச்சனை இருக்கின்றதா? அந்த மனிதரையே நோக்கிக் கொண்டிராமல், ஆண்டவரோடு கூட உள்ள ஐக்கியம் எப்படி இருக்கிறது? எனப் பாருங்கள்!! பலுகிப் பெருகச்செய்வார். வெற்றி பெறும் பொழுது முதலாவது ஆண்டவரை மகிமைப்படுத்துங்கள்! அது வெறுமனே வாயிலிருந்து வராமல் உங்கள் ஜெபத்திலிருந்து அதாவது ஆண்டவரிடத்தில் நீங்கள் உதவி கேட்ட இடத்திலிருந்து வரவேண்டும்.
யாக்கோபுக்கு வாக்கு கொடுத்தபொழுது, அவன் அந்நிய தெய்வங்களைப் புதைத்திருந்தான். கர்த்தருக்கு பலிபீடம் கட்டினான், குடும்பத்தில் இழப்பை சந்தித்திருந்தான். அப்பொழுது ஆண்டவர் அவனுக்கு தரிசனமானார்.
உன்னிடத்திலிருந்து ராஜாக்கள் தோன்றுவார்கள் என்றால், என் பிள்ளைகள் அல்லது பிள்ளைகளின் பிள்ளைகள் உலக மக்களுக்கு மிகவும் பயன்படும் பொருட்களைக் கண்டுபிடிப்பார்கள்; குறிப்பாக அவர்களின் சொல் சபையிலே (மக்களால்) ஏற்றுக்கொள்ளப்படும்.
ஜெபிப்போமா?
அன்பின் பிதாவே, இயேசு கிறிஸ்துவின் நாமத்தில் வருகின்றேன்! இந்த வாக்குத்தத்தத்திற்க்காக நன்றியும், துதியும் மகிமையையும் செலுத்துகின்றேன். வசனத்துக்கு கவனமாக இருந்து கீழ்படிய கிருபை செய்யும். பிள்ளைகளைப் பற்றிய கவலைகளை ஒழித்துவிட்டு நாங்கள் உமது வாக்குத்த்தத்தைப் பற்றிப் பிடித்தக் கொண்டு முன் செல்ல உதவி செய்யும். எங்கள் பிள்ளைகள் கர்த்தரால் போதிக்கப்பட்டிருப்பார்கள், அவர்களுடைய சமாதானம் பெரிதாயிருக்கும் என்று அறிக்கையிட கிருபை செய்யும், இயேசுவின் மூலம் பிதாவே, ஆமென், ஆமென்.
No comments:
Post a Comment