FROM HEARING.....No:1

எங்களது சொந்த ஊர் அகிலாண்டபுரம் என்ற ஒரு கிராமம். இது இப்பொழுது தூத்துக்குடி மாவட்டத்தில் உள்ளது. இங்கே ஒரு ரோமன் கத்தோலிக்க சபையும், தெனிந்திய திருசபையும் உள்ளது. இந்த சபைக்கு பன்னீர் குளத்தில் இருந்து, போதகர் ஆராதனை நடத்த வருவார். பன்னீர் குளம் சர்க்கிள். இதில் அப்பொழுது பதினான்கு சபைகள் இருந்தன. இப்பொழுது பதினாறு சபைகள். ஒரே போதகர். 

ஒரு வாரத்திற்கு நான்கு சபைகள். எங்கள் ஊருக்கு மூன்றாவது வாரம், பதினோரு மணிக்கு நற்கருணை ஆராதனை. நான் அங்கிருந்த நாட்களில் அகஸ்டின் என்ற குருவானவர் ஊழியம் செய்து வந்தார். அவருடைய அனுபவ சாட்சியே இது. 

அந்த பதினான்கு சபைகளில் தெற்கு மயிலோடை கிராமத்தில் உள்ள சபையும் ஒன்று. அங்குள்ள சபை விசுவாசிகள் மூலமாக வந்த பிரச்சனை இது. இந்த குருவானவரை  அங்குள்ள விசுவாசிகளுக்குப் பிடிக்கவில்லை. இது இவருக்கு பெரிய பிரச்சனையாக இருந்தது. 

ஒரு ஞாயிறு அன்று இவர் ஊழியத்தை அந்த கிராமத்தில் முடித்து விட்டு, தனது பைக்கை எடுத்த பொழுது, அதின் பின் சக்கரத்தில் காற்று இல்லை. பஞ்சர் ஆக்கப் பட்டிருந்தது. பக்கத்தில் இருந்து பார்த்து சிரித்தார்கள். இவர் மீது மதிப்பு வைத்திருந்த ஒருவர் ஓடி வந்து, "ஐயா, எனது தொழுவில் வண்டியை விட்டு விடுங்கள். கயத்தாரில், இருந்து ஆள் அனுப்பி சரி செய்யுங்கள் எனக் கூறி பைக்கைத் தள்ளி தனது தொழுவத்தில் விட்டார். 

மதியம் இரண்டு மணி. சரியான வெயிலில், மூன்று கிலோமீட்டர் நடக்க வேண்டும். தன பையைத் தூக்கிக் கொண்டு ஆண்டவருக்கு நன்றி சொல்லிக் கொண்டே நடந்தார். ஒரு கிலோமீட்டர் நடந்தபின், முன்பின் அறிமுகம் இல்லாத ஒருவர், அந்தப் பக்கம் பைக்கில் வந்தவர், தனது பைக்கில் ஏற்றிக் கொண்டு, கயத்தாறில் கொண்டுவந்து விட்டுவிட்டார். 

அடுத்த மாதம் மீண்டும் தெற்கு மயிலோடை செல்ல வேண்டிய ஞாயிறு. சகலத்தையும் ஆண்டவர் கரங்களில் ஒப்புக் கொடுத்து விட்டு, குறிப்பிட்ட நேரத்தில், போய் சேர்ந்தார். அன்று சபைக்கு இவரை எதிர்த்த ஒருவரும் வரவில்லை. ஆராதனை முடிந்த பின்பு, வந்திருந்த விசுவாசிகள், "ஐயா நேற்று மதியம், ஒரு கொலை நடந்து விட்டது. போலீஸ் வேன் இரவு வந்து உங்களை எதிர்த்த அத்தனை பேரையும், விசாரணைக்காக பிடித்துக் கொண்டு போய் விட்டார்கள். அவர்கள் குடும்பத்தினர், அனைவரும் போலீஸ் ஸ்டேஷன் இல் அவர்களைப் பார்ப்பதற்காக சென்றிருக்கின்றனர்" என்றனர்.

உங்கள் கருத்துக்களை இங்கே பதிவு செய்யுங்கள். 
எமது சில  வீடியோக்கள், www.youtube.com/zion’schildrenbibleschool என்ற முகவரியில் இருக்கிறது. பார்க்கலாம்.